जगन्नाथ |
Үндсэрхэг үзлийн тухайҮндсэрхэг үзэл гэж бүлтэрдэг хүмүүс их байдаг. Германуудыг дуурайн, герман хувцас өмссөнөөр өөрийгөө үндсэрхэг үзэлтэн боллоо гэж бодож байгаа бол, томоор мангартлаа даа андаа. Үндсэрхэг үзэл гэж, хувцсаар тодорхойлогддоггүй юм. Үндсэрхэг үзэл тэс өөр газраар эхэлдэг юм. Мэдээж чамаас өөрөөс чинь, чиний толгойн доторхоос чинь. Толгойндоо ч үндсэрхэг байх хангалтгүй. Үндэсний хувцас өмсөөд ч бас хангалтгүй. Үндэсний хувцас өмссөн нэг нөхөр л болж хувирна. Үйлдэл чинь үндсэрхэг байх ёстой. Толгойн доторх чинь өөрчлөгдвөл, үйлдэл чинь өөрчлөгдөж, үйлдэл нь хэрэгжих тусам бусдад үлгэр дуурайлал болж, гинжин хэлхээ үүсгэдэг. Толгойдоо өөдлөөгүй бол өөрчлөлт хүлээгээд хүлээгээд нэмэргүй. Хувцас бол юу ч тодорхойлохгүй. Гурван үе шат байх шиг харагдаж байна.Хамгийн түрүүнд боловсрол. Монголчууд шиг ухаантай хүмүүс энэ хорвоод байхгүй гэдгийг ойлгуулах хэрэгтэй. Чи монголойд гэж үг дуулж байсан байх. Учиртай болоод, англи-саксончуудын орон зайд бидний нэрээр Дауны синдромтон, гаж төрхтөнгүүд, оюун ухааны доголдолтой хүмүүсийг нэрлэсэн гэж нэг бодоорой. Монголойдуудыг устгаж, амьдрах орон зайг нь булаах хэрэгтэй гэж, хитлер гэж нөхөр зарлаж, томоохон дайн дэгдээж байсан түүхтэй. Тэр дэлхийн дайнд англи-саксончууд хараад, хэн нь хэнийгээ дийлэх нь үү гэж, ажиглаад сууж байсан. Одоо ч гэсэн, монгол гэхээр европчууд ухаан муутай, харанхуй мунхаг хүн гэж ойлгодог. Энэхүү ойлголтыг нь буруу болохыг нотлоод нэг үзээрэй. Чингис-мингисээс өөр гайхуулж, харуулах юм юу ч байхгүй. Зодоон нүдээн хийж, агсам тавьснаараа чи чингисийн үр гэвэл, олон түмэнд тэнэгээ л гайхуулна. Өөрөө байлдсан юм шиг битгий мэдрэлт. Тэр үйл явдал бараг 1000 жилийн өмнө болоод өнгөрсөн, тэр цагийн хүмүүс гэж одооны хүмүүсээс тэс өөр хүмүүс байсан. Монгол гэхээр, архи-янхан-тэнэг гэж биш, харин суут эрдэмтэд, оюун ухааны гайхамшиг хүмүүсийн санаанд хамгийн түрүүнд буух ёстой. Хужаа! гэж орилолдон зодоон нүдээн хийгээд байх биш, хүн төрөлхтөнд оюун ухаанаараа ашиг тус, дэм болж явдаг зохион бүтээгчид, инженерүүд, найруулагч, зураач, эмч, зохиолч хүмүүсийг бий болгох ёстой. Шинэ Монголын дүр төрхийг бий болгох явдал юм. Хоёрт хөдөлмөр. Монгол хүн гэхээр, ажилд ад чөтгөр шиг галзуу, чадварлаг байх. Япон ч, хятад ч, орос ч хараад, хөлсөө арчихаар. Бидний зохион бүтээсэн бараа бүтээгдэхүүнийг харсан хүмүүс: Үүнийг Монголд үйлдвэрлэсэн болохоор, үнэн-саак-тасархай-пү-па байх ёстой! гэж бодогдтол нь хөдөлмөрлөж, үйлдвэрлэж сурах хэрэгтэй. Энэ бол япончуудын бэлээхэн бариад өгсөн Говь компаний эзэмшинэ гэсэн үг биш. Гуравт, наймаа. Үндэсний үйлдвэрлэлээ босгох ёстой. Үйлдвэрлэхээс гадна, зарж чадаж байх хэрэгтэй. Сүүлийн 20 жил хамаг ашигтай гэсэн болгоныг хувьчлаад, хулгайлахыг нь хулгайлж, сөнөөхийг нь сөнөөсөн. Эргүүлэн сэргээн босгохоос өөр арга байхгүй. Архины үйлдвэр барьж, гоё шошготой архи нэрж сурсныг хөгжил гэдэггүй юм шүү. Үүнийг сайн анхаараарай. Хөгжинө гэдэг, гудамж талбайгаар орилолдон жагсаад байхыг бас хэлэхгүй- хөгжинө гэдэг, боловсрон сурч, улам ихийг чадаж мэддэг болохыг хэлнэ. Мөн Монголын нутаг дэвсгэр дээрх бүх зах, банкнууд монголчуудын гарт орох хэрэгтэй. Үүний тулд яах уу? Бас л боловсрох хэрэгтэй. Наад захын мөнгөний урсгалыг ойлгох хэрэгтэй. Мөнгө хааш нь урсаж, яагаад зөвхөн баянаас баяны хооронд л шилждэгийг ойлгох хэрэгтэй. Эргэн тойрноо нэг хараарай: ном шагайдаг хүн хэдий хир их байна? Өмнө нь ном шагайх нь бага байсан, одоо бүр багассан гэдэгт итгэлтэй байна. Гайхамшигт ардчилалд шилжсэний дараа соёл боловсролын яам хүмүүсийн толгой тархийг нийтээр нь халтар царайтангуудаар угааж, толгой дарааллан бүдүүлэг, мунхаг харанхуй байлгахыг хичээж ирсэн. Яагаад гэвэл, тэнэг мунхаг харанхуй ард түмнийг шулж, мөлжихөд амархан байдаг юм. Ном шагайвал хэдэн шадар цэргүүдээ, эсвэл монте-кристо нараа л эргүүлнэ биз. Монте-кристо бол мэдлэг биш- цаг нөхцөөх л уран зохиол л төдий. Ном уншина гэдэг, бодитой гарт баригдахуйц мэдлэг өгдөг номыг уншихыг хэлнэ. Сэтгэл зүй, логик, түүх, механик физик, математик, хөдөө аж ахуй гэх мэт. Гэвч бас л хангалтгүй байх болно. Сонин юм нь гэвэл, бүх нийтээрээ үзэн ядаад уур нь хүрээд байгаа хужаа, оросуудаас эхсүүлж сурах хэрэгтэй болно. Бүр уур чинь хүрээд, шүлсээ савируулмаар байгаа бол, дайснаасаа сур гэдгийг сана. Өөрөөр хэлбэл, өнөөх үндсэрхэг үзэл гээч юмаа гүнхэн нэг газраа буюу бөгсөндөө чихээд, шүдээ зуугаад сур, хөдөлмөрлө, юманд өөриймсөг байж, цагандаа харамч хянамгай байж сур. Сурч, хөгжсөний дараа үзэл бодол чинь арай л өөр болоод ирнэ. 16:36 - 2012-03-19 - Сэтгэгдэл бичихҮндсэрхэг үзэл, эх оронч үзэл 2-ыг манайхан ялгахгүй л байгаад байна даа юун эмзэглэв найзаа, эмзэг сэдвээр ярих гоё шдэ. энэ муусайн тэнэг мал хөгийн монголчууд гээд л, ухаантай хятад гээд л гэж манай хэдэн үндсэрхэг үзэлтнүүд орилолдоод л байдаг шд. Шинэ хорооллын замыг өнөө маргаашгүй барих хөдөлмөрийн хүчинд ухаантай хятадууд нь аль хэдийн ажиллаж байгаа. Цаашдаа энэ мэтчилэнгээр монголын замыг засаад дуусахад хятад цус монгол цус холилдон уусаад чамайг монголд ирэхэд миний нутаг ваа, чи зайлваа гэх хүний тоо тамтаггүй ихсэх магадлал бидний тархинд бууснаас илүү олон болсон байх буй за. Тэнэг монгол зам тавьж сурахгүй үхэх бөгөөд зам баригч ухаантай хятадууд тэнэг монголыг тэнэг монгол оо хэмээн даапаалахад тэнгэр ч өмөөрөх эрхгүй болох байлгүй дээ. Ажил олгогчыг яагаад ксенофобитой хамаатуулах гээд байгааг чинь ойлгож байнаа. заавал тэнэг монгол, ухаантай хятадаас л сонгох ёстоймуу кккк. за наад захын зам тавилаа гэж бодъё. би бол ямар ажил хийлгэхээс л хамаарах байхаа. аймаар санаалчихсан хэхэ. @Цагаан хараацай: @Зочин аа эхний үгнүүд алдаатай санаа гаргачихаж. яарч бичээд зарим санаагаа буруу дутуу илэрхийлээд байна. санаагаа гүйцэд илэрхийлэхэд: Үндсэрхэг үзэлтэн залуус улам сайн боловсор гэж Амонра хэлснийг би дэмжинэ. Амонраг үндсэрхэг үзэлтэй залууст зориулж боловсор гээд байгаан байна гэж ойлгосон шдээ. Хоосон хий үндсэрхэг үзэл чинь аминч дов жалганы үзэлтэн л гэсэн үг. Миний юм болж байвал бусдын юм хамаагүй гэж бодох шиг. Тийм боловсорсон гэх хүмүүс нь ямар байгаад байгааг нь би шүүмжилсэн хэрэг.
өө орчихсон байна, буруу хараад гайхлаа. сүүлийн хоёр сэтгэгдлийг маань устгачихаарай. сэдэвтэй хамааралгүй тул. За бичээд байгаарай амжилт шүү. Миний яг үүний өмнө бичсэн аймаар их сэтгэгдэл алга болчихож. нэг амьсгаагаар яасан ч их үглэчихэь ээ. Чиний яриад байгааг бол дэмжиж байна. харин үндсэрхэг үзэл, үндэсний үзэл, нутгархаг үзлийг төөрөлдөн бантагнуулаад жаахан жаахан далий ойлгодог хүмүүсийн үйл ажиллагааг шүүмжилсэн юмаа. сэхээтний төөрөгдөл гэж нэг лут юм байдаг шиг үндсэрхэг үзлийг гуйвуулдаг бас хүчин бий шдээ хө. |
Тухай: ~Scientia potentia est~ Нvvр Хувийн мэдээлэл Архив Найзууд Uriankhan Art Шинэ бичлэгvvд - Инновацийн тухай - Хорионы гоо зүй - Гялс нэг бичлэг - Шинэчлэл - Зав гаргаж дуусгав - Дөрвөн хувьсагч - Кино ба комиксуудын тухай - Ойрын хугацаанд хийсэн ажил - Соёлын ба хүн төрөлхтний нүүдлийн тухай - Die Antwoord Найзууд - Friska - yuki - xvv - Blessing Tara - gereltuya - Хүслийнжигүүр - dadido - Алмас - arch_tseegii - arius - Zurai - dao - Garin - Бахархал - luna - Би зүгээр л бичмээр байна - Цагаан хараацай - american boy - amigo - BaD_woman - Bataa - Боролзой - Чойрын Хүү - EDUCATION - zaya - boldbaatar - Zaya - deizy - DESI - Egel_setgel - Энхмандах - erida - My All - eternalzul22 - undrahbayr - guumii4u - Лхагва - BoLoRmAa - amur - kiss_kiss - last_sopor - Тархи өрөмдөгч - mAzze - Ìÿãìàð - mizzind - bylzuuhai - Нарантунгалаг - Orgil - Pada - PoisonouS Angel - Monkey - pupa_inn - Shuvuukhai - tamerlan13 - tatah - Зэрэглээ - Золоо - Zuu - __tungalag - Solongo - Aagii - hairiin boroo |